കാവ്യ മാധവന്റെ ഒരു പഴയ വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നത്. 2013ലെ സൈമ അവാര്‍ഡ് വേദിയില്‍ കാവ്യ നടത്തിയ പ്രസംഗത്തിന്റെ വിഡിയോയാണ് സോഷ്യല്‍ മീഡിയയില്‍ ശ്രദ്ധ നേടുന്നത്. സൈമ തന്നെയാണ് കഴിഞ്ഞ ദിവസം വിഡിയോ വീണ്ടും പങ്കുവച്ചത്.
സൈമയുടെ പ്രത്യക അവാര്‍ഡ് വാങ്ങാനെത്തിയ കാവ്യയ്ക്ക് പുരസ്‌കാരം നല്‍കിയത് നടന്‍ മാധവനായിരുന്നു. ഇതോടെയാണ് രണ്ടു പേരുടേയും പേരുമായി ബന്ധപ്പെട്ട പഴയൊരു സംഭവം കാവ്യ തുറന്നു പറഞ്ഞത്. ഈ പുള്ളിക്ക് മനസിലാകുന്ന ഭാഷയില്‍ ആരെങ്കിലും പറഞ്ഞു കൊടുത്തോളൂ എന്നു പറഞ്ഞായിരുന്നു കാവ്യ തുടങ്ങിയത്.
”അഭിനയിച്ചു തുടങ്ങിയ കാലം. അന്ന് താങ്കള്‍ വലിയ സ്റ്റാറാണ്. ഇന്നും. ഞാന്‍ തമിഴ്നാട്ടില്‍ ഷൂട്ടിംഗിന് പോയപ്പോള്‍ എന്നെക്കാണാന്‍ കുറെ ആളുകള്‍ വന്നു. ഞാന്‍ അത്ഭുതപ്പെട്ടു. എന്നെ കാണാന്‍ ഇവര്‍ വരേണ്ട കാര്യമെന്താ എന്നോര്‍ത്തു. പിന്നീടാണ് മനസിലായത് എനിക്കൊപ്പം ഷൂട്ടിംഗിനുണ്ടായിരുന്ന ജയസൂര്യ അവിടെയുള്ളവരോടൊക്കെ ഞാന്‍, നടന്‍ മാധവന്റെ ഭാര്യയാണെന്ന് പറഞ്ഞിരുന്നുെവന്ന്.’ കാവ്യ പറയുന്നു.
അപ്പോള്‍ മാത്രമാണ് ആളുകൂടിയതിന്റെ കാരണം പിടികിട്ടിയത്. അവര്‍ക്ക് കാണേണ്ടത് കാവ്യയെ അല്ലായിരുന്നു മാധവന്റെ ഭാര്യയെ ആയിരുന്നു.പിന്നാലെ മൈക്കു വാങ്ങിയ മാധവന്‍ തന്റെ ആദ്യ സിനിമയില്‍ പറയുന്ന ഡയലോഗിലൂടെ കാവ്യയ്ക്ക് മറുപടി നല്‍കി.
”നോ പ്രോബ്ലം, എന്റെ ആദ്യ സിനിമയില്‍ ഞാന്‍ പറയുന്ന ഒരു ഡയലോഗുണ്ട്, അഡ്ജസ്റ്റ് ചെയ്യാം” എന്നായിരുന്നു താരത്തിന്റെ മറുപടി. എന്തായാലും വീഡിയോ ഇതിനോടകം ഹിറ്റായിക്കഴിഞ്ഞു.
